Од 2003 година во Европа постои нов стандард за бизнис менаџмент знаење, Европски сертификат за бизнис компетенции “European Business Competence* Licence (EBC*L)”. Тој е наменет за неекономисти и гарантира дека секој кој го поседува Сертификатот издаден од Советот за бизнис компетенции во Европа (Council for Business Competence in Europe) има основно економско знаење кое е неопхподно во денешниот економски, административен, па дури и во секојдневниот живот.

Сертификатот може да се полага во 27 земји во Европа, а од сега и во Македонија во акредитирани испитни центри во целата држава.

Каталогот на целите за учење е развиен во соработка со експерти од бизнисот и образованието и е точно специфицирана процедура за испит која го осигурува квалитетот на стандардот, независно од земјата, независно од градот и од институцијата каде се одржува испитот.

Сертификатот се издава од International Centre of EBC*L во Виена.

EBC*L има 3 степени, а во Македонија ќе се започне со полагање на степенот А.

Во степенот А се обработуваат следниве теми:

• Бизнис цели и менаџмент показатели
• Сметководство
• Анализа на трошоци и утврдување на цени
• Трговско право

 
Сертификатот е наменет за ученици и за сите оние кои не студирале економија, но имаат или ќе имаат клучна функција во компанијата. Тоа се вработени или сопственици на бизнис, проектни менаџери, техничари, трговци, раководители на организациски единици и слично.

Многу познати фирми како Xerox, Т-Мобиле, Samsung, Bayer, Siemens, UNIQA, Victoria Insurance, RAG-Konzern и други веќе го интегрираа Европскиот сертификат за бизнис компетенции (EBC*L) во нивните едукативни програми.

EBC*L во многу европски држави се интегрира во наставните планови на училиштата и високо образовните институции, и за истиот се добиваат ECTS кредити (European Credit Transfer System). Исто така се применува за обука на претприемачи и во делот на подобрување на бизнис компетенциите на невработените лица во соработка со Агенциите за вработување, односно работните клубови.